هيتلي يوجه رسالة لجمهور الوداد

استهل الوافد الجديد على صفوف الوداد الرياضي، سفيان هيتلي، مشواره مع الفريق، بالتواصل المباشر مع الأنصار عقب توقيعه الرسمي، معربا عن اعتزازه البالغ بارتداء قميص النادي “الأحمر”.

ونشر هيتلي تدوينة عبر حسابه الرسمي على منصة “إنستغرام”، جاء فيها:

“فخور بزاف باش نكون ودادي!

بكل فخر وفرحة، كنعلن على بداية مرحلة جديدة ومميزة فالمسيرة ديالي مع نادي الوداد الرياضي.

شرف وفخر كبير ليا نلبس قميص أكبر نادي فالمغرب، نادي بتاريخ عريق، بألقابه وإنجازاته الكبيرة، وبجمهور استثنائي معروف بكل مكان بالشغف، الوفاء والحب الكبير ديالو للوداد.

عارف مزيان قيمة هاد القميص والمسؤولية اللي كتجي معاه. وغادي نعطي كل ما عندي فوق التيران، نقاتل على كل كرة، وندافع على ألوان الوداد بكل فخر وعزيمة، باش نكون عند حسن ظن النادي والجمهور الودادي الكبير.

شكراً من القلب لكل واحد وقف معايا، ساندني وآمن بيا باش نوصل لهاد اللحظة. اليوم كيبدا فصل جديد فالمسيرة ديالي، وأنا متحمس، فخور وجاهز نعطي كلشي لهاد النادي الكبير.”